Bakı. Elçin Mehdiyev - Trend:
Dizel yanacağının qiymətinin dəyişməsi dizel mühərrikli avtomobillərin qiymətinə müəyyən təsirini göstərib.
Bunu Trend-ə əmlak məsələləri üzrə ekspert Ramil Osmanlı deyib.
R.Osmanlı bildirib ki, yanacağın bahalaşması xüsusilə də mühərrik həcmi böyük olan avtomobillərin qiymətinə öz təsirini göstərib:
“Düzdür, təsir o qədər də böyük rəqəmlərlə ifadə olunmur, ancaq az da olsa hiss olunur, yəni dizel mühərrikli avtomobillərin qiymətində müəyyən qədər azalmalar müşahidə olunur”.