Bakı. Trend:
İyulun 21-də Türkiyə Mərkəzi Bankı yeddi günlük REPO əməliyyatları üzrə əsas faiz dərəcəsini 14 faiz səviyyəsində saxlamağa qərar verib.
Trend-in məlumatına görə, bu barədə qərar Türkiyə Mərkəzi Bankının Pul Siyasəti Şurasının iclasından sonra açıqlanıb.
"Türkiyənin iqtisadi artımını stimullaşdıran amillərin sayı artır. Həmçinin turizm sahəsi inkişaf üçün mühüm təkandır", - deyə qeyd olunub.
Mərkəzi Bank Şurası bildirib ki, tənzimləyici qurum makroprudensial siyasət tədbirlərini davam etdirəcək və zəruri hallarda əlavə rıçaqlardan istifadə edəcək.