...

Türkiyə Azərbaycana hazır geyim ixracını artırıb

İqtisadiyyat Materials 16 Avqust 2022 14:56 (UTC +04:00)
Türkiyə Azərbaycana hazır geyim ixracını artırıb

Bakı. Trend:

Türkiyə 2022-ci ilin yanvar-iyul aylarında Azərbaycana hazır geyim ixracını ötən ilin eyni dövrü ilə müqayisədə 31,1 faiz artıraraq 35,6 milyon dollara çatdırıb.

Trend-in məlumatına görə, bu barədə TurkicWorld-a Türkiyə Ticarət Nazirliyindən bildirilib.

İyul ayında Türkiyə Azərbaycana hazır geyim ixracatını 2021-ci ilin eyni ayı ilə müqayisədə 67,3 faiz artıraraq 6,2 milyon dollara çatdırıb.

Qeyd edək ki, 2022-ci ilin yanvar-iyul aylarında Türkiyənin hazır geyim ixracı ötən ilin eyni dövrü ilə müqayisədə 11,6 faiz artaraq 12,4 milyard dollara bərabər olub.

Bu ilin iyul ayında Türkiyə 1,6 milyard dollar məbləğində hazır geyim ixrac edib ki, bu da keçən ilin iyul ayı ilə müqayisədə 4,1 faiz azdır.

Qeyd olunub ki , son 12 ay ərzində (iyul 2021-iyul 2022) Türkiyə 21,5 milyard dollar məbləğində hazır geyim ixrac edib.

Məqalədə:
Xəbər lenti

Xəbər lenti