Bakı.Trend:
Azərbaycan Respublikasının Kənd Təsərrüfatı Nazirliyi ilə Almaniyanın "John Deere Walldorf International GmbH" şirkəti arasında strateji əməkdaşlığa dair Memorandum imzalanıb.
Trend xəbər verir ki, sənəd 19-cu Azərbaycan Beynəlxalq Kənd Təsərrüfatı Sərgisi və Forumu çərçivəsində imzalanıb.
Memorandum kənd təsərrüfatı sahəsində strateji əməkdaşlığın genişləndirilməsini, innovativ texnologiyaların tətbiqini və aqrar sektorda müasir həllərin təşviqini nəzərdə tutur.
Tədbir çərçivəsində həmçinin Kənd Təsərrüfatı Nazirliyi ilə İslam Ərzaq Təhlükəsizliyi Təşkilatı arasında həmin təşkilatın nizamnaməsinin rəsmi imzalanma mərasimi də keçirilib.
