Azərbaycan, Bakı / Trend müxbir S.Babayeva/ Azərbaycan mikromaliyyələşdirmə bankı şəxsi ipoteka proqrammı hazırlamağı planlaşdırır. Bu məlumatı çərşənbə axşamı bankın idarə heyyətinin üzvü Anar Həsənov verib.
Onun sözlərinə görə, bank gələn ildən ipoteka kreditlərinin verilməsinə başlaya bilər. "Bu, dövlət ipoteka proqramından fərqlənən kommersiya ipotekası olacaq" - deyə, Həsənov bildirdi.
Bank nümayəndəsi dedi ki, proqramın şərt və faiz dərəcələri hələ müəyyən olunmayıb, təsisçilərlə müzakirədən sonra qərar veriləcəyi gözlənilir.
Həsənovun sözlərinə görə, bu gün Azərbaycan mikrokreditləşmə bazarının 30 faizi mikromaliyyələşdirmə bankının üzərinə düşür. Bankın cari kredit portfeli 100 mln. dolları keçir.
Azərbaycan ipoteka fondu vasitəsilə kreditlərin verilməsi 2005 ilin mart ayından həyata keçirilir, və bu müddət ərzində 46 mln. manat büdcə vəsaiti ayırılıb.
İpotekanın maliyyələşməsi bu günə qədər büdcə vəsaitləri hesabına aparılırdı. İpotekanın kommersiya şərtləri ilə tətbiq edilməsi mexanizmləri nəzərdən keçirilir.
