Azərbaycan, Bakı, 07 fevral/ " müxbir İ.Xəlilova/ Azərbaycanda ipoteka kreditləşməsinin ikinci mərhələsi ölkədə daşınmaz əmlak alqısının maliyyələşdirilməsində Almaniyanın Commerz Bank-nın iştirakı imkanlarını genişləndirəcək. Bu barədə cümə günü Bakıda bankın nümayəndəsi Martin Blessinq (Martin Blessing) məlumat verib.
Azərbaycan Milli Bankı ikinci mərhələdə ipotekanın kommersiya əsasında maliyyələşdirilməsini tətbiq etməyi planlaşdırır.
"İpoteka maliyyələşdirilməsinin ikinci mərhələsi alman modelinə əsaslanıb. Buna görə də biz bu bazarda özümüzü daha rahat hiss edəcəyik və bu imkanlarımızı genişləndirəcək", - Blessinq bildirib.
Commerz Bank Avropada özəl biznesin maliyyələşdirilməsində qabaqcıl banklardan biridir. Bu gün onun ipoteka portfeli $200 mlrd. təşkil edir.
Azərbaycan İpoteka Fondu (AİF) vasitəsilə Azərbaycanda daşınmaz əmlakın alqısına 2005-ci ilin martından başlanıb. Lakin Fond 2007-ci ilin iyunundan vəsaitlərin yoxluğu səbəbindən kredit verilməsini dayandırıb.
AİF indiyədək dövlət vəsaitləri hesabına maliyyələşdirilib. Lakin yeni mexanizmə əsasən, Fond sosial ipotekayla yanaşı, kommersiya şərtləri ilə də kreditlər verəcək. Bu günədək büdcədən bu məqsədlər üçün 46 mln. manat ayrılıb. 2008-ci il üçün dövlət büdcəsində 34 mln. manat ayırlması nəzərdə tutulub.
Commerz Bank $900 mlrd. aktivlə böyüklüyünə görə, Almaniyanın ikinci bankıdır. 2007-ci ilin yekunlarına görə, onun mənfəəti $3 mlrd. təşkil edib.
