İran XİN rəhbərinin Cənubi Amerika üzrə müavini məlumat verib ki, Venesuela Prezidenti Uqo Çavesin İrana səfəri zamanı iki ölkə arasında 10 illik əməkdaşlıq haqqında "yol xəritəsi" müqaviləsi imzalanacaq. Məlumatı İran Fars informasiya agentliyi yayıb.
"Çərşənbə günü Venesuela Prezidenti Çaves İrana səfər edəcək. Səfərin gedişində Mottakinin (İran XİN rəhbəri) Karakasa səfəri zamanı razılaşdırılmış iki ölkə arasında 10 illik əməkdaşlıq haqqında "yol xəritəsi" müqaviləsi imzalanacaq", - İranın XİN rəhbərinin Cənubi Amerika üzrə müavini Əhməd Subhani deyib.
Onun sözlərinə görə, Çavesin Tehrana səfəri zamanı, həmçinin gələn il üçün enerji sahəsində əməkdaşlığın "yol xəritəsi"nin layihələri təsdiq olunacaq.
"Cənab Çaves Tehranda Venesuela Bankının açılışında iştirak edəcək", - Sübhani deyib.
