Аzərbaycan, Bakı, 21 iyul /Trend, müxbir E.İsmayılov/
Avqustun 6-dan etibarən "Air Astana" "Almatı-Bakı-Almatı" əlavə aviareysini açacaq, - çərşənbə axşamı aviaşirkətin Bakı nümayəndəliyindən xəbər veriblər.
Hal-hazırda bu marşrut üzrə aviareyslər çərşənbə və bazar günləri, avqustun 6-dan etibarən isə əlavə olaraq cümə günləri də həyata keçiriləcək.
Çərşənbə günləri "A-320" avialayneri Bakıdan yerli vaxtla 13:55-də, bazar günləri isə 13:35-də uçur. Cümə günləri təyyarə Azərbaycanın paytaxtından Bakı vaxtilə 13:45-də uçacaq.
Uçuş biletlərinin qiyməti bir istiqamətə 237 manatdan başlayır, iki istiqamətə isə 456 manat təşkil edir.