Azərbaycan, Bakı, 2 avqust /Trend, müxbir Ü.İsmayılova/
Azərbaycan Mədəniyyət və Turizm Nazirliyi ölkədə atçılıq turizminin təbliği və təşviqi məqsədi ilə tədbirlər həyata keçirir. Bu barədə bazar ertəsi nazirlikdən bildiriblər.
Mədəniyyət və Turizm Nazirliyi turizmin bu növünün inkişaf etdirilməsi məqsədilə Respublika Atçılıq Turizm Mərkəzi ilə birgə avqustun 3-dən 5-dək aparıcı turizm şirkətləri və KİV nümayəndələri üçün infotur keçirəcək.
İnfotur Atçılıq Turizm Mərkəzi tərəfindən Şəki şəhərində keçiriləcək. Tədbir zamanı Şəkidə yeni atüstü turis marşrutları təqdim ediləcək.