Azərbaycan, Bakı, 1 sentyabr /Trend, müxbir Zülfiyyə Qurbanova/
2014-cü il avqustun 1-nə "MilliKart" prosessinq mərkəzi tərəfindən xidmət göstərilən plastik kartların sayı 673 min ədəd olub. Bu barədə Trend-ə mərkəzdən bildiriblər.
"MilliKart"ın xidmət göstərdiyi kartlarla əməliyyatların sayı 3,72 milyon ədəd, əməliyyatların həcmi isə 643,28 milyon manat olub.
Mərkəzdə xidmət göstərən 15 bank tərəfindən quraşdırılan bankomatların sayı 2014-cü il avqustun 1-nə 407-yə çatıb. "MilliKart" prosessinq mərkəzi tərəfindən xidmət göstərilən POS-terminalların sayı 8,268 min ədəd təşkil edib.
"MilliKart Group" MMC 4 milyon manatlıq nizamnamə kapitalına malikdir və 2006-cı il iyulun 14-də 18 bank tərəfindən yaradılıb.
