Azərbaycan, Bakı, 6 noyabr /Trend/
"Bank Technique" ASC-nin Müşahidə Şurasının qərarı ilə Eldar Hüseyn oğlu Cəfərov bankın İdarə Heyətinin sədri vəzifəsinə təyin edilib. Bu barədə Trend-ə bankdan məlumat verilib.
E.Cəfərov 1974-cü ildə Tovuz şəhərində anadan olub. 1990-1995-ci illərdə Azərbaycan Dövlət İqtisad Universitetində təhsil alıb. O, 2009-cu ildə ABŞ-ın Bankirlər Assosiasiyasının Stonier ali bank məktəbinin məzunu olub.
1995-ci ildən Azərbaycanın bank-maliyyə sektorunda müxtəlif vəzifələrdə çalışmış E.Cəfərovun Azərbaycanın nüfuzlu bank olmayan kredit təşkilatlarının - "Cred Agro" və "Mol Bulak"ın yaradılmasında və idarəetməsində müstəsna rolu olub.
Qeyd edək ki, "Bank Technique"ə təyinat aldıqdan əvvəl E. Cəfərov "Mol Bulak" BOKT-ın direktoru vəzifəsini icra edib.