Bakı. Ənvər Məmmədov - Trend:
ABŞ-ın “General Electric” və Fransanın “Alstom” şirkətlərinin birgə müəssisəsi olan “Grid Solutions” şirkəti Azərbaycandakı nümayəndəliyini ləğv edib.
Trend-in məlumatına görə, bu məsələ ilə bağlı bütün tələb və bildirişlər iki ay müddətində göndərilməlidir.
Qeyd edək ki, bir müddət əvvəl “General Electric”dən Trend-ə məlumat verilmişdi ki, bu addım şirkətin Azərbaycandakı biznes strukturunun optimallaşdırılması ilə bağlıdır: ““Grid Solutions” filialının bağlanması ölkədə fəaliyyətdin dayandırılmasıni ifadə etmir, sadəcə daxili təkrar strukturlaşma ilə izah olunur. Azərbaycanda “Grid Solutions”un nümayəndəliyinin bağlanması və “GE Oil & Gas UK Ltd” nümayəndəliyinin yaradılması məhz bununla bağlıdır”.