Əhalinin Dövlət Sosial Müdafiə Fondunun (ƏDMF) orta aylıq pensiyaları 7-8 manat artıracağı gözlənilir. Bu, aprelin 1-dən əmək pensiyalarının baza hissəsinin 30 manata qədər artırılması ilə bağlı bütün əlavələrin uçotundan sonra həyata keçiriləcək. ƏDMF-nın sədri Səlim Müslümov mətbuat konfransında bildirib ki, birinci rübün sonunda pensiyanın orta həcmi 30,8 manat (2006-cı ilin əvvəli 29,8 manat) təşkil edib.
Azərbaycanda 1 126 411 pensiyaçı var. Birinci rübün yekunları üzrə əmək pensiyaçılarının sayı 2 140 nəfər artaraq 1 183 815 təşkil edib. Onların 66%-i yaşa, 23%-i - əlilliyə, 11%-i isə ailə başçısını itirdiyinə görə pensiyaya çıxıb.
S.Müslümovun dediklərinə görə, pensiyaların minimal səviyyəsi $33,2 təşkil edir və Azərbaycan Estoniya ($101), Latviya ($87,8), Qazaxıstan ($77,9), Litva ($72,8), Ukrayna ($71), Rusiya ($38) kimi dövlətlərdən geri qalır, lakin Qırğızstan ($7,2), Ermənistan ($9,53), Özbəkistan ($15), Gürcüstan ($18,2) kimi dövlətləri arxada qoyur.