Azərbaycan,Bakı/müxbir Trend S.Babayeva/Azərbaycanda əhalinin iqtisadi firəvanlığının yaxşılaşması ilə əlaqədar avtomobil alınmasına maraq artır. Bu barədə AutoShow Azerbaijan 2007 IV Azərbaycan Beynəlxalq Avtomobil sərgisinin açılışında Azərbaycan nəqliyyat nazirinin müavini Musa Pənahov məlumat verib.
Onun sözlərinə görə, əhalinin artan marağını sərgidə 26 ölkədən 120 iştirakçının olması sübut edir.
Sərginin açılış mərasimində həmçinin kənd təsərrüfatı nazirinin müavini Aslan Aslanov, Ticarət-sənaye palatasının vitse-prezidenti Mehman Əhmədov, Iteca Caspian Llc şirkətinin direktoru Fərid Məmmədov iştirak edib.
Bu il sərgi sahəsini 2005-ci illə müqayisədə 40 faiz artırıb. İştirakçıların 60 faizini yeni şirkətlər təşkil edir.
Bu il ehtiyat hissələri, aksessuar və servis avadanlıqları daha geniş təmsil olunub. Bununla əlaqədar AutoParts Azerbaijan 2007 adlı ayrıca sərgi ayrılıb.
AutoShow Azerbaijan Zaqafqaziyda ən böyük beynəlxalq avtomobil sərgisidir və əhali arasında ən məşhur avtomobil hadisəsidir. Hər il sərgiyə 20 mindən çox avtomobil mütəxəssisi və sahibləri baş çəkir. Əsas bölmələr:
Minik avtomobilləri
Avtobuslar
Yük avtomobilləri
Xüsusiləşdirilmiş avtomobillər
Motosikllər
Qoşqular
Ehtiyat hissələri
Tyüninq
Avtomobil mühərrikləri və komponentləri
Avtomobil aksessuarları
Avtoelektrika və elektronika
Akkumlyatorlar
Yanacaq-sürtgü materialları
Mühafizə siqnalizasiyaları və sistemləri
Audio, video və telekommunikasiya
Radiator, kondisionerlər
Şinlər, rezin-texniki məmulatlar
Avtomobilə qulluq vasitələri
Avtomobillərin təmiri və xidməti
Sığorta
Jurnal, qəzetlər, soraq materialları
2006-cı ildə sərgidə 43 beynəlxalq, 26 Azərbaycan və 15 istehsalçı şirkət iştirak edib.