Azərbaycan, Bakı / Trend / Azərbaycanın Daşınmaz Əmlakın Dövlət Reyestri Xidməti 2006-ci il martın 1-dən bu günədək mülkiyyətin qeydə alınması ilə bağlı 117 452 çıxarış verib. Bu barədə xidmətin yaydığı məlumatda bildirilir.
26764 çıxarış torpaq sahələrinin, 64587 - mənzillərin, 19154 - şəxsi evlərin, 6947 - daşınmaz əmlakın digər növlərinin payına düşür.
Verilən çıxarışların 31033-ü hüquqların ilkin qeydiyyatına, 77050 - təkrar qeydiyyata, 9369 - ipoteka kreditləşməsinə aiddir.
Çıxarışların 62149-ü Bakıda verilib (12877-ilkin qeydiyyat , 42222-təkrar qeydiyyat, 7050-ipoteka kreditləşməsi).
Xidmətin müşahidələrinə əsasən respublikada köhnə tikililərin qeydiyyata alınması artıb. Bakıda yeni tikilən mənzillərin qeydiyyata alınması köhnə evlərlə müqayisədə üç dəfə azdır.
