Azərbaycan, Bakı /müxbir Trend İ.Xəlilova / Azərbaycan prezidenti İlham Əliyev Dövlət Sosial Müdafiə Fondu (DSMF) büdcəsinə fondun gəlir və xərclərinə dəyişiklikləri nəzərdə tutan düzəlişləri təsdiqləyib. Dəyişikliklərə əsasən, rəqəmlər 7,5 faiz artırılıb. Yəni əvvəl nəzərdə tutulan 920,19 mln. manatdan 989,657 mln. manatadək artırılıb.
Dəyişikliklərə əsasən, sosial sığorta ödəmələri üzrə proqnozlar 670,73 mln. manatdan 709,697 manatadək artırılıb. Dövlət büdcəsindən fondun büdcəsinə transferlərin həcmi 248,24 mln. manatdan 278,74 manatadək artırılıb. Lakin büdcə təşkilatlarından ayrılmalar üzrə proqnozlar 271,95 mln. manatdan 269,043 manatadək, bu təşkilatlarda çalışanlardan 37,085 mln. manatdan 36,687 manatadək aşağı düşüb.
Düzəlişlər nəticəsində 2007-ci ildə əhaliyə təqaüdlərin verilməsi üçün xərclər 117,46 min manatadək, bank və təqaüdlərin verilməsi ilə əlaqədar olan digər əməliyyatların maliyyələşdirilməsi üçün olan xərclər 11,7 mln. manatadək (910,9 mln. manat), DSMF-nin orqanlarının təminatı üçün xərclər 13,6 mln. manatadək (13,4 mln. manat) artırılıb.
2006-07-ci illərdə ayrılmış vəsaitlərin 5 faizini təşkil edən əlavə 137,78 min manat sosial müdafiə və milli məşğulluq strategiyası sisteminin inkişafı üzrə tədbirlərin həyata keçirilməsi üçün UNDP-dən alınmış qrant çərçivəsində Azərbaycanın borclarının ödənliməsinə istiqamətləndiriləcək.
