Azərbaycan, Bakı, 27 sentyabr / Trend / Çinin CNPC Hong Kong Ltd (CNPCHK) şirkəti 2008 - ci ilin birinci rübündə Azərbyacanın quru yataq bloku "Kürsəngi - Qarabağlı"- dan 448 min barel K& K növlü neft alıb. Bu göstərici ötən ilin yanvar - iyununda 547 min təşkil edib, - layihədə 25 faizə sahib olan CNPCHK - nın hesabatında deyilir. K& K növünün API üzrə sıxlığı 26 dərəcə, kükürd tərkibi isə 0,27% -dir.
Məlumatda deyilir ki, CNPCHK-nın bu dövrdə əldə etdiyi mənfəət (vergiləri ödəyəndən sonra) $8 mln. təşkil edib. Bu göstərici 2007 - ci ilin ilk altı ayı ərzində $5,5 olub.
"Kürsəngi - Qarabağlı" yatağının hazırlanmasına dair razılığın iş müddəti 25 il təşkil edir. Layihənin səhmdarları bunlardır: ARDNŞ (50%), iki Çin şirkəti - hər biri 25 faizə malik olan " China National Oil & Gas Exploration and Development Corp. (CNODC) " və " CNPC (Hong Kong) Ltd.(CNPCHK)". Yatağın işlənməsi üzrə əməliyyat şirkəti Salyan Oil adlanır.
Blok üzrə PSA tipli müqavilə 1998 - ci ilin dekabrında imzalanıb və 1999 - cu il aprelin 16 - da Milli Məclis tərəfindən ratifikasiya edilib. Razılaşmanın şərtləri müqavilə blokunun bərpasını, kəşfiyyatını və işlənməsini nəzərdə tutur. Müqavilə meydançasının ümumi ərazisi 450 kvadrat km.- dir. Yataqlar Azərbaycanın Salyan rayonunda (Bakının 130 km - də) yerləşir. ARDNŞ mütəxəssislərinin fikrincə, müqavilə meydançasında neft ehtiyatları 152 mln.tondur. Müqavilə 25 il qüvvədədir.
2008 - ci ildə "Kürsəngi-Qarabağlı"əməliyyat şirkəti altı istismar quyusunu qazmaq niyyətindədir. Quyuların dərinliyi 3500 - 4000 metr təşkil edəcək. Cari il üçün şirkətin büdcəsi $45,5 mln.səviyyəsində müəyyənləşdirilib.
