Azərbaycan, Bakı, 26 avqust / Trend , müxbir S.Əliyev /
ARDNŞ ölkənin şimal-qərb hissəsində, Gürcüstanla sərhəd yaxınlığında yerləşən "Cahandar" quru yatağında kəşfiyyat quyusunun qazılmasını başa çatdırır, bu barədə ARDNŞ-in işə yaxın mənəbəsindən bildirilir. Kəşfiyyat qazma işləri neftin mövcud olması baxımında həyata keçirilir.
Hazırda ARDNŞ "Ümid" perspektivli strukturunda böyük dəniz kəşfiyyat quyusunun qazılmasını həyata keçirir. Perspektivli plan çərçivəsində 2015-ci ilə kimi ARDNŞ "Babək", "Əşrəfi" və "Qarabağ" perspektivli strukturlarında kəşfiyyat işlərinin mərhələlərlə həyata keçirilməsini planlaşdırır, mənbə bildirib. ARDNŞ kəşfiyyatı özü həyata keçirəcək.
Azərbaycanda 57 neft-qaz yatağı var ki, onların da 18-i dənizdə, qalanı isə dənizdə yerləşir. ARDNŞ-in ştatında hazırda 63 min əməkdaş çalışır.
Məqalə müəllifi ilə əlaqə ünvanı: [email protected]
