Azərbaycan, Bakı, 14 fevral / Trend , müxbir S.Babayeva / Azərbaycanın Rabitə və İnformasiya Texnologiyaları Naziriliynin nümayəndəliyi martın 4-9-da Hannoverdə keçəcək "CeBit 2008" - informasiya texnologiyaları sahəsində dünyanın iri sərgisində iştirak etməyi planlaşdırır.
"Biz belə mühüm hadisədə iştirak etməkdə maraqlıyıq", - cümə axşamı dövlət müəssisəsindən deyiblər.
Rabitə nazirliyindən bildiriblər ki, "CeBit 2008" sərgisində iştirak edəcək nümayəndəliyin tərkibi hələ müəyyən edilməyib. Sərgidə özəl şirkətlərdən "Sinam" iştirak edəcək.
Bu sahənin aparıcı sərgisi olan "CeBit 2008" də altı mindən artıq şirkət - dünyanın 60 ölkəsindən istehsalçı bir araya toplayacaq. Sərgidə informasiya texnologiyaları, telekommunikasiya, şəbəkə texnologiyaları, proqram təminatı, multimedia, ofis avtomatlaşdırılması, bank texnologiyaları və maliyyə xidmətləri sahəsində yeni nailiyyətlər nümayiş olunacaq.
Bununla belə, proqram məhsulları informasiya texnologiyaları sahəsində praktik olaraq bütün qərarların əsasını təşkil edəcək, buna görə də "CeBit" sərgisinin bütün əsas bölmələrində təmsil olunacaq. Əsas diqqət İT texnologiyalarının tətbiqinə əsaslanan istehsal proseslərinin kompleks həlli, telekommunikasiya sahəsində tətbiqi qərarların çoxşaxəliliyi, eləcə də,informasiya və əyləncə texnikasının kəsişmənöqtəsinə veriləcək.
Beş əsas "vertikal" "CeBit 2008" təkliflər spektrinin mühüm əlavəsi olacaqlar.
"Banking & Finance" - bank üçün avadanlıq və texniki təchizat, həmçinin, maliyyə və kredit təşkilatları üçün kompleks həlldir.
"Card Technology" - maqnit və smatr-kart, hesablayıcı qurğuların, kart və RFID sisteminin istehsalı üçün avadanlıq təkliflərinin geniş spektridir.
"Future parc" elmi araşdırmalar və işlərlə, "Public Sector Parc" - dövlət və kommunal sahədə elektron idarəetmə sistemləri üçün qərarlarla tanış olmaq imkanı yaradacaq. Bundan əlavə, ticarət sahəsinin nümayəndələri üçün "Planet Reseller" mərkəzi təşkil ediləcək.
Müəlliflə əlaqə saxlamaq üçün elektron ünvan - [email protected]