Bakı. Trend:
COP29-un Azərbaycanda keçirilməsi ölkədə turizmin inkişafı üçün geniş imkanlar açır.
Trend xəbər verir ki, bunu Azərbaycan Turizm Agentlikləri Assosiasiyasının (ATAA) İdarə Heyətinin sədri Göydəniz Qəhrəmanov Turizm sənaye subyektlərinin ilin yekunları və COP29 ərəfəsində çağırışlar mövzusunda forumunda deyib.
"Hazırda Azərbaycan dünya ölkələri ilə əlaqələrini genişləndirməyə nail olub. Azərbaycanda, həmçinin, COP29 kimi nüfuzlu tədbir keçiriləcək. Biz Turizm Agentlikləri Assosiasiyası olaraq, bu hadisəyə hazır olmalı və elə etməliyik ki, turistlər öz evlərinə müsbət fikirlərlə getsinlər", - o deyib.
Xatırladaq ki, Şərqi Avropa regional qrupu 2024-cü ildə BMT-nin İqlim Dəyişikliyi üzrə Çərçivə Konvensiyasının 29-cu sessiyasını (COP29) keçirmək üçün Azərbaycanı seçib. Bu barədə qərar dekabrın 11-də Dubayda keçirilən COP28 konfransı çərçivəsində rəsmi şəkildə elan olunub. COP29 konfransının Azərbaycanda 2024-cü ilin noyabr ayında keçirilməsi planlaşdırılır.
(Tərcümə: Rəna Əbdürəhmanova)