Bu gün səhər İranın Simnan əyalətinin Damğan şəhəri yaxınlığında Rixter cədvəli üzrə 3,7 bal gücündə zəlzələ baş verib. Bu barədə Trend İranın İRNA xəbər agentliyinə istinadən məlumat yayıb.
Tehran Universitetinin Geofizika İnstitutu yanında Seysmoloji Mərkəz zəlzələnin yerli vaxtla saat 09:55-də baş verdiyini qeyd edib.
Məlumatda zəlzələ nəticəsində dağıntıların, ölən və yaralananların olmadığı bildirilir.