Təfərrüatlar əlavə olunub (ilk xəbər saat 22:32-də yayılıb)
Bakı. Trend:
Barselonada avtomobil üç polis əməkdaşını vurub.
Trend-in məlumatına görə, polis əməkdaşları avtomobili yoxlamaq üçün saxlamaq istəyən zaman sürücü onların üzərinə sürüb.
Ağ "Ford Focus" markalı avtomobilin sürücüsü polislərə atəş açandan sonra hadisə yerindən qaçıb. Atışma nəticəsində iki polis əməkdaşı xəsarət alıb.
"Periodico" qəzeti bildirir ki, terrorçu atışmadan sonra zərərsizləşdirilib.
Qeyd edək ki, bu gün Barselonada terror aktı törədilib. Hadisə nəticəsində azı 13 nəfər həlak olub, 56 nəfər yaralanıb.