Bakı. Trend:
Kollektiv Təhlükəsizlik Müqaviləsi Təşkilatının (KTMT) baş katibi İmanqali Tasmaqabetov dekabrın 21-də İrəvana səfər edəcək.
Trend xəbər verir ki, bu barədə təşkilatın mətbuat xidməti məlumat yayıb.
Məlumata görə, Tasmaqabetov İrəvanda Ermənistanın xarici işlər naziri Ararat Mirzoyanla görüşəcək. Görüşdə KTMT-nin Minsk sammitinin yekunlarının müzakirə olunacağı deyilir.
Qeyd edək ki, Ermənistanın nümayəndə heyəti dekabrın 19-da Moskvada Kollektiv Təhlükəsizlik Müqaviləsi Təşkilatının (KTMT) Parlament Assambleyası Şurasının birgə iclasında iştirak etməyib.
Xatırladaq ki, Ermənistanın baş naziri Nikol Paşinyan da noyabrın 23-də KTMT-nin iclasında iştirakdan imtina edib. Bundan başqa, Ermənistanın xarici işlər naziri Ararat Mirzoyan və Ermənistan parlamentinin spikeri Alen Simonyan Kollektiv KTMT-nin Minsk görüşündə iştirak etməyiblər.
(Tərcümə: Rəna Əbdürəhmanova)