Bakı. Trend:
ABŞ-nin keçmiş prezidenti Donald Tramp Ayova ştatında seçicilər qarşısında çıxış edərkən ABŞ-nin cənub sərhədindəki “xaos”a qarşı çıxıb.
Trend bu barədə xarici KİV-lərə istinadən xəbər verir.
“Sərhəddə xaos var. Sərhəd fəlakətdir. Düşünürəm ki, bu, dünya tarixindəki ən pis sərhəddir. Bizin sərhədimiz əvvəl çox yaxşı idi. Amma indi ondan heç nə qalmayıb”, - deyə siyasətçi bildirib.
O, hazırkı Prezident Co Baydenin siyasətinə qəti şəkildə qarşı çıxaraq, ABŞ tarixində ən böyük deportasiya əməliyyatını həyata keçirəcəyini vəd edib.
“Ölkəmiz tarixində ən böyük deportasiya ilə üz-üzəyik. Hər kəsi gəldiyi yerə qaytaracağıq. Başqa seçimimiz yoxdur”, - deyə Tramp əlavə edib.