Təfərrüatlar əlavə olunub. İlk xəbər 09:34-də yayımlanıb.
Bakı. Trend:
Bakı şəhəri, Qaradağ rayonunda “SƏDƏRƏK” ticarət mərkəzində ümumi sahəsi 1200 m²olan 1 korpusun dam örtüyü 45 m², sahibləri məlum olmayan ümumi sahəsi 40 m² olan 4 ədəd geyim mağazasının yanar konstruksiyaları və içərisindəki əşyalar yanıb.
Bu barədə Trend-ə FHN-dən məlumat verilib. Yüksək temperaturdan ümumi sahəsi 39 m olan 3 ədəd mağazanın lambirdən ibarət tavanı əriyib. Ticarət mərkəzinin qalan hissəsi yanğından mühafizə olunub. Yanğın saat 09:25-də yanğınsöndürənlər tərəfindən söndürülüb.
x x x
Səhər saatlarında Sədərək Ticarət Mərkəzində baş verən yanğın artıq söndürülüb. Bu barədə Trend-ə Sədərək Ticarət Mərkəzinin mətbuat xidmətindən məlumat verilib. Məlumata görə, yanğın ticarət mərkəzində 9-cu sırada yerləşən ayaqqabı mağazasında baş verib. Yanğının qısaqapanma nəticəsində yarandığı ehtimal edilir.
X X X
Bakı şəhəri, Qaradağ rayonunda Sədərək Ticarət Mərkəzində yanğın hadisəsi baş verib. Fövqəladə Hallar Nazirliyindən Trend-ə verilən məlumata görə, hazırda yanğınsöndürmə işləri davam etdirilir.