Bakı. Trend:
Yasamal və Qaradağ rayonlarında vətəndaşlara məxsus evlərdə yanğın baş verib.
Fövqəladə Hallar Nazirliyindən Trend-ə verilən məlumata görə, Ümumi sahəsi 35 m2 olan birmərtəbəli, 1 otaqlı evin mətbəxinin lambirdən ibarət tavanı 10 m2 sahədə, içərisindəki əşyalar qismən yanıb və yüksək temperaturdan mətbəxin qapı və pəncərəsi əriyib.
Evin qalan hissəsi yanğından mühafizə olunub. Yanğın saat 02:55-də yanğınsöndürənlər tərəfindən söndürülüb.
Digər yanğn hadisəsi isə Bakı şəhəri, Qaradağ rayonunda baş verib. Rayonda vətəndaşa məxsus ümumi sahəsi 16 m2 olan birmərtəbəli 2 otaqlı evin dam örtüyünün yanar konstruksiyaları 4 m2 sahədə və içərisindəki əşyalar qismən yanıb.
Evin qalan hissəsi yanğından mühafizə olunub. Yanğın saat 07:56-da yanğınsöndürənlər tərəfindən söndürülüb.