Bakı. Ənvər Məmmədov - Trend:
Bu gün Bakıda il ərzində ən yaxşı nəticəmi göstərdim.
Trend-in məlumatına görə, bunu jurnalistlərə Bakıda bədii gimnastika üzrə Dünya Kuboku finalı yarışlarının italiyalı iştirakçısı Veronika Bertolini deyib.
18 bal topladığını deyən gimnast bildirib: "Bu, mənim üçün çox yaxşı nəticədir. Azarkeşlərə verdikləri dəstəyə görə təşəkkür edirəm".
V.Bertolini qeyd edib ki, əsas məqsədi Rio Olimpiadasına hazırlaşmaqdır: "Çıxışımdan zövq almaq üçün Olimpiadaya yaxşı hazırlaşmalıyıam".
O, Bakıda ilk dəfə olduğunu da əlavə edib: "Burada ilk dəfəyəm. İlk təəssüratlarım sadəcə çox gözəldir. Şəhər və insanları çox yaxşıdırlar".
Qeyd edək ki, bu il bədii gimnastika üzrə FIG Dünya Kubokunun finalı 22-24 iyul tarixlərində Azərbaycanın paytaxtında keçirilir. Yarışların ilk iki günündə çoxnövçülükdə 17 ölkənin gimnastı medallar uğrunda mübarizə aparır. Dünya Kubokunun son günündə ayrı-ayrı növlər üzrə finallar keçiriləcək.