Bakı. Elçin Mehdiyev - Trend:
Bu gün Azərbaycan Prezidenti yanında Əfv Məsələləri Komissiyasının növbəti iclası keçirilib. Bu barədə Trend-ə Komissiyanın üzvü Rəşad Məcid deyib.
R.Məcid bildirib ki, görüşdə 100-ə qədər müraciətə baxılıb və onların təqribən yarısına müsbət rəy verilib.
Komissiya üzvü əlavə edib ki, növbəti iclas gələn həftə keçiriləcək.
Qeyd edək ki, ümumilikdə komissiyaya 800-dən artıq müraciət daxil olub.