Bakı. Anaxanım Hidayətova - Trend:
Mançester şəhərində baş vermiş terror aktı ilə əlaqədar olaraq Böyük Britaniyanın Bakıdakı səfirliyində matəm kitabı açılacaq.
Trend-in məlumatına görə, mərasim 23-24 may tarixlərində saat 10:00-12:00, eləcə də 14:00-16:00 arasında baş tutacaq.
Qeyd edək ki, bu gecə "Mançester Arena" stadionunda amerikalı müğənni və aktrisa Ariana Qrandenin konserti zamanı iki güclü partlayış baş verib. Hadisə nəticəsində 22 nəfər ölüb, 50-dən çox adam xəsarət alıb.
İŞİD terror qruplaşması partlayışa görə məsuliyyəti öz üzərinə götürüb.