Azərbaycan, Bakı, 18 sentyabr /Trend/
Bu gün Avropa Liqasının qrup mərhələsinin oyunlarına start verilib.
Trend-in məlumatına görə, turnirdə yeganə təmsilçimiz "Qarabağ" da bu gün qrupda ilk oyununu keçirib.
F qrupunda mübarizə aparan Qurban Qurbanovun komandası öz meydanında Fransanın "Sent Etyen" klubu ilə qarşılaşib. Tarixində ilk dəfə qrup mərhələsinə yüksələn Ağdam təmsilçisi azarkeşləri önündə sərfəli nəticə qazanmağa çalışıb. "Qarabag" 90 dəqiqədə kifayət qədər qol imkanları yaratsa da, fransızların qapısına yol tapa bilməyib.
Oyun 0:0 hesabı ilə başa çatıb və "Qarabag" Avropa Liqasının qrup mərhələsində ilk xalını qazanıb.
Qeyd edək ki, qrupun digər oyununda Ukraynanın "Dnepr" klubu İtaliya "İnter"ini qəbul edəcək.