Bakı. Trend:
Azərbaycan Gənclər İttifaqı və Azərbaycan Rəqs Assosiasiyasının (ARA) təşkilatçılığı ilə Rəşid Behbudov adına Azərbaycan Dövlət Mahnı teatrında “Ümid" İncəsənət Müsabiqəsi keçirilib.
Müsabiqəyə təşkilati dəstək Jam Group komandası tərəfindən göstərilib.
“Müsabiqə incəsənət və rəqs növləri üzrə keçirilib. Ölkəmizin
bölgələrindən yarışmaya qatılan iştirakçılar vardı. Bütün
iştirakçıları təbrik edir, onlara müvəffəqiyyətlər arzulayıram.
Bununla yanaşı, daim əziyyətlərini çəkən, onlara bu sahələri
öyrədən, bu cür istedadlı, bacarıqlı uşaq və gənclər
yetişdirdikləri üçün bəddi rəhbərlərə təşəkkür edirəm. Ədalətli
seçimlər etdikləri və dəvətimizi qəbul edib gəldikləri üçün
münsiflər heyətinə təşəkkür edirəm”, - deyə ARA-nın prezidenti Əziz
Əzizov bildirib.
Yarışma yaş kateqoriyasına görə keçirildi: 6 yaşdan körpələr , 7-8
uşaqlar 1, 9-10 uşaqlar 2, 11-12 yeniyetmələr 1, 13-14 yeniyetmələr
2, 15-16 yeniyetmələr 3, 17-25 yaşadək böyüklər, 26 yaş və yuxarı
profilər yarışıblar.
Yarışmada Grand Prix -ni Səbail rayon 49 nömrəli intellect məktəb
lisey şagirdi Həsənli Amin qazandı. Müəllim Anar Alnağıyev.
İnformasiya dəstəyi - Trend.Az, Day.Az, Milli.Az, Azernews.Az
