Bakı. Trend:
Rusiya daxilində poçt xidməti bağlamaları ünvanlara dronlar vasitəsilə çatdırılacaq.
Trend-in "Azərpoçt" MMC-nin saytına istinadən verdiyi məlumata görə, yaxın beş ildə ölkəni poçt dronlarının “hücumu” gözləyir.
Hazırda dronların bağlamaları ünvana çatdırmasının mümkün variantları sınaqdan keçirilir.
Hələlik dronlar çəkisi 10 kiloqramadək olan bağlamaları daşıya bilir. Gələcəkdə texnologiyanın təkmilləşdiriləcəyi gözlənilir.