Bakı. Trend:
Gecə saatlarında bir neçə hiss edilməyən zəlzələ olub. Narahat olmalı bir şey yoxdur.
Trend xəbər verir ki, bunu bu gün Xəzər dənizində baş vermiş zəlzələyə dair keçirilən mətbuat konfransında Respublika Seysmoloji Xidmət Mərkəzinin baş direktoru, AMEA-nın müxbir üzvü, professor Qurban Yetirmişli deyib.
Qeyd edək ki, gecə saatlarında Quba, Xaçmaz, Şabran, Siyəzən 6 bala yaxın, Sumqayıt, Abşeron yarımadası və ona yaxın ərazilərdə 5-4 bal, Xəzər dənizində, Azərbaycan sahillərində 5,5 bal gücündə zəlzələ baş verib.