Azərbaycan, Bakı, 11 noyabr /Trend, müxbir İ.İsabalayeva/
Bakı Şəhəri üzrə Təhsil İdarəsi (BŞTİ) 234 saylı orta məktəbdə baş verən partlayışla bağlı rəsmi məlumat verib.
İdarənin İctimaiyyətlə əlaqələr sektorunun müdiri Zəminə Əliqızı cümə günü Trend-ə bildirib ki, partlayış qaz sızmasından baş verib. Partlayış məktəbin sanitar qovşağında olub.
Əliqızı deyib ki, qış mövsümü ilə bağlı hər il Bakının bütün orta məktəblərinə qaz noyabrın 15-dən verilir. Lakin bu il soyuqlar tez düşdüyündən, məktəblərə təbii qaz noyabrın 10-dan verilməyə başlayıb.
Bu gün Bakının 234 saylı orta məktəbində partlayış olub.
Partlayış nəticəsində yuxarı sinif şagirdlərindən biri xəsarət alıb. Yaralı xəstəxanaya yerləşdirilib.
Xəsarət alan 11-ci sinif şagirdi, 17 yaşlı İbadov Məmi Təyyar oğludur.
Bakı Təhsil İdarəsi orta məktəbdə baş verən partlayışa aydınlıq gətirib
Bakı Şəhəri üzrə Təhsil İdarəsi (BŞTİ) 234 saylı orta məktəbdə baş verən partlayışla bağlı rəsmi məlumat verib.
