Bakı. Ceyhun Ələkbərov - Trend:
Bakıda iki "Mercedes" markalı avtomobilin toqquşması nəticəsində qəza baş verib.
Trend-in məlumatına görə, hadisə səhər saat 08:40 radələrində Natavan küçəsi - Biləcəri istiqamətində qeydə alınıb.
90-XB-381 və 90-DH-744 dövlət nömrə nişanlı avtomobillərin toqquşması nəticəsində "Mercedes C-class" markalı avtomobil yoldan çıxaraq hasara çırpılıb.
Hasar dağılaraq avtomobilin ön hissəsinə tökülüb.
Qəza yerinə yol patrul xidmətinin əməkdaşları cəlb olunub.
