Bakı. Trend:
Bərdədə sürücünün xəsarət alması ilə nəticələnən qəza baş verib.
Trend-in yerli müxbiri xəbər verir ki, hadisə rayonun Nəcəfqulubəyli kəndində qeydə alınıb.
Bərdə rayon Qaratəpə kənd sakini 18 yaşlı Məmmədov Samir Fazil oğlunun idarəsində olan "VAZ-21011" markalı minik avtomobili ilə hərəkətdə olan zaman idarəetməni itirib. Nəticədə avtomobil yoldan çıxaraq aşıb. Qəza zamanı sürücü müxtəlif dərəcəli xəsarətlər alaraq Bərdə rayon mərkəzi xəstəxanasına yerləşdirilib.
Faktla bağlı araşdırma aparılır.
