Bakı. Trend:
Mayın 6-sı saat 18:00-a olan məlumata əsasən, Gədəbəy, Quba, Şəki, Qax, İmişli, Biləsuvar, Neftçala, Sabirabad, Cəfərxan, Astara, Yardımlı, Lerik, Lənkəranda yağış, Şahdağda zəif qar yağıb.
Bu barədə Trend-ə Milli Hidrometeorologiya Xidmətindən xəbər verilib. Şimal-qərb küləyi Bakıda və Abşeron yarımadasında 17 m/s-dək güclənib.
Neft Daşları stansiyasının məlumatına əsasən dalğanın hündürlüyü 3.4 metrdir.
Havanın temperaturu Bakıda və Abşeron yarımadasında 15, Naxçıvan MR-da 9, Aran rayonlarında 22, dağlıq rayonlarda 13 dərəcəyədək isti olub.