Bakı. Trend:
Ermənistanlı elmi işçi Njde Yeranyan Florensiyada keçiriləcək İran və Qafqaz bölgəsində arxeoloji qazıntılara həsr olunan elmi konfransa buraxılmayıb.
Trend erməni KİV-lərinə istinadən məlumat verir ki, buna N.Yeranyanın Azərbaycanın işğal olunmuş ərazilərində qazıntı işləri aparması səbəb olub.
Arxeoloq bildirib ki, YUNESKO münaqişə ərazilərində axtarış işlərini qadağan etdiyi üçün onun konfransda iştirakına qadağa qoyulub.