Füzuli rayonunun işğaldan azad edilmiş ərazisindəki mədəniyyət və dini abidələr Ermənistan Silahlı Qüvvələri tərəfindən dağıdılıb. Trend in bölgə müxbiri xəbər verir ki, Füzuli rayon Mədəniyyət və Turizm İdarəsinin rəisi Elman Əhmədov erməni işğalçılarının dağıtdığı abidələr Babı kəndindəki 13-cü əsrə aid Şeyx Babı Yəqub türbəsi, Əhmədalılar kəndindəki 13-cü əsrə aid Arqalı türbəsi, Böyük Bəhmənli kəndindəki 19-cü əsrə aid Nətid binasıdır və bu abidələrin böyük təmirə ehtiyacı var. Bununla bağlı Mədəniyyət və turizm nazirliyinə də müraciət edilib.
E.Əhmədov 13-cü əsrdə inşa edilmiş Şeyx Babı Yəqub türbəsinin yaxınlığında yerləşən hamamda da qazıntı işləri aparılmalı olduğunu da bildirir. O bildirdi ki, Füzuli rayonunun işğal altında olan ərazilərində 16 dini və mədəniyyət abidəsi, 10-dan çox yaşayış və kurqan tipli arxeoloji abidə qalıb.
Trend-in ən mühüm və maraqlı xəbərlərini "Telegram"da izləyin
