Azərbaycan, Gəncə, 25 fevral / Trend , müxbir V.Məmmədov/ Gəncə şəhərində 3 ildir axtarışda olan cinayətkar dəstənin başçısı fevralın 25-də Bakıda tutulub. Bu barədə bazar ertəsi Trend ə Gəncə şəhər Polis İdarəsindən məlumat verilib. Məlumata görə, cinayətkar dəstənin başçısı Elcan Çingiz oğlu Nəbiyev Gəncədə soyğunçuluq və quldurluq cinayətləri törədib.
Nəbiyev barəsində Cinayət Məcəlləsinin soyğunçuluq (180-ci maddə) və quldurluq (181-ci maddə) maddələri ilə cinayət işi açılıb.
Daxili İşlər Nazirliyi (DİN) Gəncədə bağlı qalmış cinayətlərlə əlaqədar şəhər Polis İdarəsində yoxlamalara başlayıb.
Gəncə paytaxt Bakıdan 365 kilometr qərbdə yerləşir.