Gürcüstan, Tbilisi, 04 dekabr / Trend , müxbir N.Kirtsxalia/
Ötən sutka ərzində Gürcüstanda laborator müayinələr nəticəsində təsdiqlənmiş daha 35 AH1N1 virusuna yoluxma faktı aşkar edilib. Xəstəliklərə Nəzarət üzrə Milli Mərkəzin məlumatına əsasən, bu günə qədər "donuz qripi"nə 271 yoluxma faktı qeydə alınıb.
Yeni xəstələnmə faktlarının böyük əksəriyyəti yoluxma yolu ilə keçib və yüngül formadadır. Demək olar ki, xəstələrin hamısı evdə müalicə olunur.
Mərkəzin bildirdiyi kimi, xəstəlik mümkün ağırlaşma halının qarşısını almaq üçün həkimə müraciət edilərsə təhlükəli deyil.
Ekspertlərin fikrincə, Gürcüstan qrip epidemiyasının astanasındadır.
Məqalə müəllifi ilə əlaqə ünvanı: [email protected]