Azərbaycan, Bakı, 4 may /Trend, müxbir M.Əliyev/
Azərbaycan Milli İstiqlal Partiyasının (AMİP) Gənclər Təşkilatının 5 nəfərdən ibarət nümayəndə heyəti İsveçin hakim Moderat Partiyası Gənclər Təşkilatının dəvəti ilə "Demokratiyanın prinsipləri" mövzusunda keçiriləcək seminara qatılmaq üçün mayın 6-dan 12-dək bu ölkədə səfərdə olacaqlar.
Avropa ölkələri gənclər təşkilatlarının iştirakı ilə keçiriləcək tədbirdə AMİP-çi gənclər öz həmyaşıdları ilə fikir və təcrübə mübadiləsi aparacaqlar.
Həmçinin, proqram çərçivəsində AMİP-çi gənclərin İsveç Parlamentində təmsil olunan gənc parlament üzvləri ilə görüşləri də nəzərdə tutulub.