Azərbaycan, Bakı, 19 iyul /Trend, müxbir T.Hacıyev/
Bakının Nizami rayonunda tikinti işləri aparılan birmərtəbəli binada uçqun baş verib. Trend-in Fövqəladə Hallar Nazirliyinin (FHN) mətbuat xidmətinə istinadən verdiyi məlumata görə, dağıntılar altında bir nəfər köməksiz vəziyyətdə qalıb.
FHN-in xilasediciləri müvafiq təhlükəsizlik qaydalarına riayət etməklə həmin şəxsi dağıntılar altından xilas edərək ilkin tibbi yardım göstərdikdən sonra aidiyyəti üzrə təhvil verib, həmçinin, hadisə yerində lazımi təhlükəsizlik tədbirləri görüb.