Azərbaycan, Bakı, 7 oktyabr /Trend, müxbir T.Hacıyev/
Türkiyənin Baş naziri Rəcəb Tayyib Ərdoğanın Azərbaycana planlaşdırılan səfəri zamanı iki ölkə arasında bəzi sənədlərin imzalanması nəzərdə tutulur, - Trend-in məlumatına görə, bunu cümə axşamı jurnalistlərə Türkiyənin Azərbaycandakı səfiri Hulusi Kılıç bildirib.
"Türkiyənin Baş naziri Azərbaycana Əməkdaşlıq Şurasının toplantısı ilə bağlı gələcək. Səfər zamanı yeni anlaşmanın üzərində çalışacağıq", - Kılıç deyib.
Səfirin sözlərinə görə, Ərdoğanın səfəri bu ilin sonu, gələn ilin əvvəlində ola bilər.