Azərbaycan, Bakı, 2 sentyabr /Trend/
Azərbaycan Prezidenti İlham Əliyev San-Marino Respublikasının Kapitan-Regentləri xanım Mariya Luiza Bertiyə və Filippo Tamaniniyə təbrik məktubu ünvanlayıb.
"Milli bayramınız - Respublika günü münasibətilə Sizi və xalqınızı öz adımdan və Azərbaycan xalqı adından ürəkdən təbrik edirəm. Ümidvaram ki, Azərbaycan ilə San-Marino arasında təşəkkül tapmaqda olan dostluq və əməkdaşlıq münasibətləri xalqlarımızın mənafelərinə uyğun olaraq daim inkişaf edəcək və genişlənəcəkdir.
Bu əlamətdar gündə Sizə möhkəm cansağlığı, işlərinizdə uğurlar, San-Marinonun dost xalqına sülh və rifah arzulayıram", - təbrikdə deyilir.