Azərbaycan, Bakı, 10 dekabr / Trend, müxbir A.Tağıyeva /
Türkiyə dekabrın 19-da növbəti "Göktürk-2" yerli kəşfiyyat peykini orbitə çıxarmağa hazırlaşır. Trend-in məlumatına görə, bu barədə bazar ertəsi Türkiyənin "Sabah" onlayn-qəzeti xəbər verir.
Peyk Türkiyə vaxtı ilə saat 18:13-də Çinin "Jiuquan" bazasından buraxılacaq. Peyk müdafiə məqsədləri üçün istifadə olunacaq.
Bundan əvvəl, 2011-ci ildə Türkiyə birinci "RASAT" yerli kəşfiyyat peykini orbitə buraxmışdı.
Xəbər verilir ki, "Göktürk-2" peykində təsvirlərin yerləşdirilməsi "RASAT" peykindəkindən üç dəfə çox olacaq.
Peyklərin yaradılması Türkiyə ordusunun yerli silahlarla, avadanlıqlarla təchizatına yönəlmiş dövlət proqramının bir hissəsidir.