Azərbaycan, Bakı, 17 aprel /Trend/
Azərbaycan Prezidenti İlham Əliyev Venesuela Bolivar Respublikasının yeni seçilmiş Prezidenti Nikolas Maduro Morosa təbrik məktubu ünvanlayıb.
"Venesuela Bolivar Respublikasının Prezidenti vəzifəsinə seçilməyiniz münasibətilə Sizi ürəkdən təbrik edirəm.
Ümidvaram ki, Azərbaycan ilə Venesuela arasındakı dostluq və əməkdaşlıq münasibətləri xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir", - təbrikdə deyilir.
İlham Əliyev Nikolas Maduro Morosa möhkəm cansağlığı, xoşbəxtlik, dost Venesuela xalqının rifahı naminə qarşıdakı fəaliyyətində uğurlar diləyib.