...

Lukaşenko və Putin Ermənistan rəhbərliyini işğal olunmuş rayonları qaytarmağa çağırıb

Ermənistan-Azərbaycan münaqişəsi Materials 14 Dekabr 2018 17:43 (UTC +04:00)
Ermənistanın sabiq prezidenti Serj Sarkisyan Belarusun Dağlıq Qarabağ münaqişəsinin nizamlanması ilə bağlı təkliflərini qəbul etməyib
Lukaşenko və Putin Ermənistan rəhbərliyini işğal olunmuş rayonları qaytarmağa çağırıb

Bakı. Trend:

Ermənistanın sabiq prezidenti Serj Sarkisyan Belarusun Dağlıq Qarabağ münaqişəsinin nizamlanması ilə bağlı təkliflərini qəbul etməyib.

Trend-in məlumatına görə, bunu Rusiya mətbuat nümayəndələri ilə görüşü zamanı Belarus Prezidenti Aleksandr Lukaşenko deyib.

Belarus prezidenti bildirib ki, o, rusiyalı həmkarı Vladimir Putinlə birgə S.Sarkisyana Qarabağ ətrafındakı 5 rayonu azad etməyi təklif edib:

“Amma o dedi ki, əgər mən rayonları qaytarsam, onlar Qarabağa gedən yolu kəsəcək və sairə. Biz Putinlə vəd etdik ki, buna imkan verməyəcəyik və qoşun yeridəcəyik. O dedi ki, biz bunu istəmirik, buna razı olmayacağıq”.

A.Lukaşenko əlavə edib ki, bu mövqe onu təəccübləndirib:

“Bu, birinci addımdır. Onda həm Azərbaycan, həm Ermənistan KTMT-də, Avrasiya İqtisadi İttifaqında yer alacaqdı. Azərbaycan bu şərtlərlə bu təşkilatlara qoşula bilərdi. Niyə imtina etdiniz?”

Məqalədə:
Xəbər lenti

Xəbər lenti