...

Əli Əhmədov: İnsanlarımızın xoşniyyətli yürüşündən bəd məqsədlərlə istifadə etmək, xalqın birliyini pozmaq istəyənlərə ar olsun

Siyasət Materials 15 İyul 2020 15:22 (UTC +04:00)
Əli Əhmədov: İnsanlarımızın xoşniyyətli yürüşündən bəd məqsədlərlə istifadə etmək, xalqın birliyini pozmaq istəyənlərə ar olsun
Əli Əhmədov: İnsanlarımızın xoşniyyətli yürüşündən bəd məqsədlərlə istifadə etmək, xalqın birliyini pozmaq istəyənlərə ar olsun

Bakı. Elçin Mehdiyev - Trend:

Baş nazirin müavini, YAP-ın Sədr müavini - İcra katibi Əli Əhmədov özünün rəsmi "facebook" səhifəsində ötən gün Bakı şəhərində Azərbaycan Ordusuna dəstək məqsədilə keçirilən yürüş – mitinqdə təxribat törədilməsinə münasibət bildirib.

Trend-in məlumatına görə, Ə.Əhmədov bildirib ki, iyul ayının 14-də gecə saatlarında Azərbaycan gənclərinin Ordumuza dəstək məqsədilə çoxminli yürüşü keçirilib:

"Gənc vətənpərvər insanlarımızın Azərbaycan Ordusuna dəstək yürüşü ordu-xalq birliyinin bariz ifadəsi, əsgərlərimizin Vətənimizin naminə rəşadətlərinin ilham mənbəyi kimi qürurverici hadisədir. Bu yürüş həm də erməni quldur ordusuna, bütünlükdə işğalçılara Azərbaycanın gücünü, mətanətini və qətiyyətini nümayiş etdirdi.”

Ə.Əhmədovun sözlərinə görə bəzi məkrli qüvvələrin saf niyyətli vətənpərvər gənclərimizin Ordumuza və əsgərlərimizə mənəvi dəstək yürüşündən öz çirkin məqsədləri üçün istifadə etmək cəhdləri təəssüf doğurmaya bilməz: “Yürüşün keçirildiyi bir vaxtda səsləndirilən təhrikçi çağırışlar, ictimai asayişi pozmaq cəhdləri kimlərinsə ölkədə sabitliyə zərbə vurmaq, xalqın birliyi və həmrəyliyinə nifaq salmaq arzusu olub, mahiyyət etibarilə düşmən dəyirmanına su tökməkdən başqa bir şey deyil. Xalqımızın Vətən uğrunda həlak olan qəhrəmanlarını son mənzilə yola saldığı, əsgərlərimizin yağı düşmənlərinin hücumlarının qarşısını alıb onlara sarsıdıcı zərbələr endirdiyi həssas bir zamanda daxili sabitliyi pozmağa cəhd göstərənlərin əməlləri arxadan vurulan bıçağı xatırladır.”

“İnsanlarımızın xoşniyyətli yürüşündən bəd məqsədlərlə istifadə etmək, qarşıdurma yaratmaq, süni surətdə ictimai narazılıq toxumu səpmək yolu ilə xalqın birliyini pozmaq istəyənlərə ar olsun. Unutmasınlar ki, Vətənini, Xalqını, Dövlətini, Prezidentini ürəkdən sevən hər bir Azərbaycanlı onlara qarşıdır, onlara nifrət edir. Bu isə on minlər, yüz minlər, milyonlar deməkdir”.

Məqalədə:
Xəbər lenti

Xəbər lenti