Azərbaycan, Bakı / Trend , müxbir İ.Əlizadə/ Çərşənbə günü müxalifətyönlü Azadlıq Partiyasının sədri Əhməd Orucun Dövlət Əmlakının İdarə Edilməsi üzrə Dövlət Komitəsinin sədri Kərəm Həsənova qarşı iddiası ilə bağlı Xətai Rayon Məhkəməsində hazırlıq iclası keçirilib. Bu barədə çərşənbə günü Bakıda Azadlıq Partiyasının sədri Oruc məlumat verib.
Hakim Rauf Əhmədovun sədrliyi ilə keçirilən iclasda işlə tanışlıqdan və ilkin mövqelər dinlənildikdən sonra məhkəmə iclası mayın 11-i saat 15-00-a təyin edilib. Hakim tərəflərə problemin həlli üçün öz aralarında razılaşmağı da təklif edib.
Orucun sözlərinə görə, o, problemin danışıqlar yolu ilə həllinə tərəfdar olduğunu söyləyib. Komitənin nümayəndəsi Namiq İbrahimli problemin məhkəmədən kənar yolla həlli ilə bağlı mövqeyini komitə rəhbərliyi ilə müzakirələrdən sonra bildirəcəyini vurğulayıb.
Azadlıq Partiyası ona Bakı şəhərində mərkəzi qərargah üçün yer ayrılması məqsədilə müraciətləri cavabsız qaldığı üçün Dövlət Əmlakının İdarə Edilməsi üzrə Dövlət Komitəsini məhkəməyə verib.Azadlıq Partiyası ona Bakı şəhərində mərkəzi qərargah üçün yer ayrılması məqsədilə müraciətləri cavabsız qaldığı üçün Dövlət Əmlakının İdarə Edilməsi üzrə Dövlət Komitəsini məhkəməyə verib.Oruc onun partiyasına qərargah üçün normal yer ayrılanadək bütün məhkəmə instansiyalarını keçməyə hazır olduqlarını vurğulayır.
Müxalifəti təmsil edən Azadlıq Partiyası 1990-cı illərin ortalarında yaradılıb. Orucun rəhbərlik etdiyi partiya yeni yaradılan Demokratiya Uğurunda İttifaqın üzvüdür.
